ഇറ്റാലിയൻസ് "ജാഗ്രതൈ"

ഇന്ത്യയിലെ പ്രത്യേകിച്ചും കേരളത്തിലെ ഇറ്റാലിയൻ പൌരന്മാർ വളരെയധികം ജാഗ്രത പാലിക്കണം എന്ന ഇറ്റാലിയൻ സ്ഥാനപതി കാര്യാലയത്തിന്റെ മുന്നറിയിപ്പിൽ നിന്ന് ഒരു കാര്യം വ്യക്തമായി...ഇന്ത്യ എന്തെല്ലാം പറഞ്ഞാലും, ഇനി ചെയ്താലും ഞങ്ങള്ക്ക് അതെല്ലാം പുല്ലാണ്...ഞങ്ങൾ കൊണ്ടുപോയ ഇറ്റലിക്കാർ ഇനി തിരിച്ചു വരുമെന്ന് വ്യാമോഹിക്കേണ്ട എന്നാണ്..ഇറ്റാലിയൻ നാവികര്ക്ക് അനുവദിച്ചിരിക്കുന്ന കാലാവധി തീരാൻ ഇനി ദിവസ്സങ്ങൾ  മാത്രം ബാക്കിയുള്ള ഈ അവസരത്തിൽ ഇങ്ങനെയൊരു പ്രസ്താവന കാര്യാലയത്തിൽ നിന്നും ഉണ്ടായാൽ അതിൽ തീര്ച്ചയായും കാര്യമുണ്ട്. ഇത് വരെ ആരും കേരളത്ത്തിനകതോ പുറത്തോ ഒരു ഇറ്റാലിയൻ പൌരനേയും ഒന്നും ചെയ്തതായി റിപ്പോർട്ട്‌ ചെയ്യപ്പെട്ടിട്ടില്ല. അങ്ങനെയിരിക്കുന്ന അവസ്ഥയിൽ അത് അവർ ഉടനെ പ്രതീക്ഷിക്കുന്നു എങ്കിൽ അതിനർത്ഥം, എന്ത് വന്നാലും ഞങ്ങൾ വഴങ്ങില്ല എന്ന് തന്നെയാണ്. അതിനുള്ള മുന്നറിയിപ്പാണ് ഈ ജാഗ്രതൈ നിര്ദ്ദേശം.